Bhon Phloc gu Port Rìgh: pròiseact le bàtaichean

Tha Bhon Phloc gu Port Rìgh na phròiseact le bàtaichean far a bheil Calum MacCoinnich a’ toirt dhaoine còmhla gus coimhead air sgeulachdan agus an dàimh a th’ againn ris a’ mhuir.

As t‑samhradh 2022, thug Calum cuireadh do dhaoine ùine a chur seachad còmhla ris air agus ri taobh na mara an lùib diofar ghnìomhan agus e na amas dha dà sgoth a thogail agus rèis a chumail a‑rithist eadar am Ploc agus Port Rìgh.

Tha am pròiseact mar phàirt den lìonra, an Co-chomann Cultair, agus tha e a’ faighinn taic bho ATLAS agus SEALL agus tachraidh e air feadh an Eilein Sgitheanaich is Loch Aillse ann an 2022 – 23.